32nd Mizo Day 2025 Maryland Branch (40th Anniversary of MSA)
September 1, 2025 (Labor Day) Monday-ah Mizo Society of America (MSA) din cham kum 40th na Anniversary hlimawm tak leh Mizo Day hman a ni dawn! Mipuite kan in ring em!!!
Kan thalai, rawlthar leh naupang te pawn hnam lam an zir mup mup a, Mizo Day ah an rawn che mawi hle dawn a ni. Tun kum chu MSA din cham kum 40th na Anniversary hriatrengna kan hman dawn avangin kum danga kan la tih ngai maih loh Red Carpet leh 360 Photo Booth Camera hmaah Mizo Day chhim mipui zawng zawng ten inlanna kan nei vek dawn a, Mizo Day a hlimawm in a nuam dawn hle a ni. Vulmawi Gang Band an rawn che bon hle dawn! Original Pi Thangmawii Fanai ngeiin German Ralrun hla nen min awi leh dawn! Mipuite lamtual ah i chai ho dual dual ang u hmiang! Mizo Day a va nghahhleh awm tawh tak em!
Mizo Day hun hman dan tur tlangpui Flyer tinah sawn dah tel vek a ni a. Program update ngaite kan rawn update zel dawn a ni. Mizo Day main program min hruaitu tur (Master of Ceremony) Pi Dindini Khawlhring, DJ Party with Zela Khiangte, Red Carpet Coordinators, Receptionists, Ushers te leh Security chanvo la tu turte pawh an in ring hle tawh a, Mizo hnam thuam mawi tak tak te inthuam in Mizo Day ah hlim takin kan in hmu ngei dawn a nia.
He hun hlimawm tak min hmanpui turin Zohnahthlak tawh phawt USA ram chhung leh pawn a mite sawm vek in ni e! Kan program hi LPS leh Zonet bakah MSA YouTube channel leh Facebook page ah LIVE Streaming pek chhuah tum a ni.
Mizo Society of America (MSA) vul reng rawh se!
